الإستعجال عمره ما هيعلمك برمجة ولا يخليك تشتغل

الإستعجال عمره ما هيعلمك برمجة ولا يخليك تشتغل. في ناس بدأت تتعلم وتشتغل على مشاريع وكان بيقعد اسبوع أو أكتر في تهيئة بيئة العمل بس وفاكر انه كدة العيب فيه ومش فاهم ومش عارف ان تهيئة بيئة العمل والأدوات اللي هتشتغل بيها هي أهم حاجة في المشروع واللي مبني عليها كل حاجة بعد كدة وانها مرحلة من المراحل اللي لازم تقعد فيها وتفكر وتاخد قرارات قبل ما تشتغل. حاول تبعد عن دماغك قصة ان انا اخدت وقت في الحتة دي وزعلان لا خلي كل مرحلة من المشروع تاخد وقتها وخصوصا أول خطوة واطمن كل مشكلة هتطلعلك هتعلمك حاجات جديدة كلها هتنفعك وتزود من خبرتك.

في مشاريع بتهيأ بيئة العمل في دقايق حسب خبرتك ولكن الغرض من البوست ان لو حصل غير كدة وانت لسة بتتعلم متحبطش يعني وكمل عادي