النصايح وإرتباطها بالتنمية البشرية

هكلمك بكل صراحة بعض الناس لما بتلاقيك منزل نصيحة أو جملة فيها فايدة علطول بيشتغل ال Sensor بتاع التنمية البشرية وممكن يتعصبوا او يكونوا هجومين أحب أقولك متضايقش منهم ومتزعلش هما غصب عنهم لانهم أكيد عانوا من مروجي التنمية البشرية وانا عانيت زيهم زمان. كل الموضوع انه البوست بتاعتك ممكن تفكره بأيام وحشة أو موقف صعب علشان كدة بتلاقيه هجومي لكن برضة على النقيض أحب أقولك لو انت من الناس دي اللي بتتحسس الكلام انه رايح ناحية التنمية البشرية هي جملة التنمية البشرية جملة حلوة مش وحشة لكن في ناس إستغلتها غلط وبوظت معناها زي كدة قوس قزح نفس الفكرة يبقى مش معنى ان حد استغل الجملة ونصب بيها او ضحك على الناس ان اي كلام فيه نصيحة او ممكن يطورك تتهجم عليه او تتعامل معاه بشكل هجومي لا عادي في كتير نصايح هتفيدك في حياتك والله بغض النظر عن المسمى بتاعها سواء اسمها تنمية بشرية او بتنجانية حتى المهم شوف النصيحة هتفيدك وعلى مقاسك ولالا لو هتفيدك شكرا وادعي للي قالهالك ولو مش هتفيدك سكيب وكمل يومك <3 الموضوع بسيط ومش محتاج تتخانق وتخلص طاقتك عليه