قبل ما تعتمد على ال AI طبق النصايح دي
- إتعلم يعني ايه برمجة واتأسس علشان متبقاش جاهل وفاهم بتكتب ايه
- اعتمد على ال AI انه يساعدك مش يشتغل مكانك فرق شاسع بين الإتنين
- الأدوات دي لو حسيت للحظة انها قتلت عندك الإبداع والتفكير ومهارة حل المشكلات يبقى انت بتستخدمها غلط
- إعمل حسابك 1% او في المليون زي متحب ان يجي يوم يكون ليها إشتراك متقدرش عليه وحصلت قبل كدة في حاجات تانية غير الأدوات دي إعمل حسابك بس مش عاوز منك أكتر من كدة
- لازم تفهم ان لسة بدري جدا جدا ان ال AI يطلع نتيجة 100% صح وتاخدها وتستعملها وانت مطمن لسة بدري
- لازم تتعلم علشان تراجع وراه وتتأكد انه صح
- لازم تتعلم علشان لو زودلك كود ملوش لازمة تسأله بس مش أكتر وهيقولك عندك حق ويشيلهولك
- اعمل مدير عليه وعدل عليه ودة مش هيحصل غير لو انت متعلم وفاهم
- إستعمل الأدوات واستفيد منها كل اللي تقدر عليه علشان توفر وقت وتنتج أكتر بس بعد ما تتعلم
- عاوز تتعلم خليه هو نفسه يعلمك ويشرحلك الحاجات اللي وقفت قدامك بأمثلة واسأله براحتك وزهقه هو معندوش مشكلة
0 تعليقات