كتب بواسطة [ Amr Hendawy ]

السلام عليكم ورحمة الله وبركاته تجربتي مع تعلم الويب عام 2009 بدأ حلم البرمجه يراودني بس مكنش عندي الأدوات النفسية الكافية انى اكمل بحثت في الهاكينج وعملت مرجع ليا وبدأت لانى مكنتش فاهم في php عام 2010 رجعت الدنيا معايا زي ما كانت الموضوع في بالى بس مش عارف اعمل ايه فكرت في الجافا والسي والاسمبلي والموضوع مكنش عارف يتنظم في دماغي بس أخدت خبرة كبيرة جداً من البحث وعلى أمتداد الفترة دي عام 05/2015 كنت خلصت الخدمة العسكرية وبدأ الحلم تاني يراودني بس عشان كنت خلصت الكلية فكنت عايز اكتر مجال مطلوب في البلد عشان اقدر اشتغل في اللى بحبه فكرت في الجافا بس لقيت ان الموضوع هيحتاج مدة كبيرة نسبية مع الشغل عشان المجهود طبعاً ففكرت في مجال الويب بحثت في موقع الأمازون على أفضل كتاب مصنف في الويب وحملته وقولت انى هبقى اشتريه بس لما اشتغل واعتبرته دين عليا لان طبعاً في سرقة حقوق ملكية فكرية 07/2015 بدأت أشعر بإحباط شديد الموضوع أصبح معايا زي العقدة عمال ادرس اكواد ومش عارف اوظفهم في حاجه اقدر امسك منها طرف الخيط ومش عارف ابدأ وعمال اشوف مواقع ومش عارف حاجه رغم انى كت خلصت HTML5 قلت لاء أنا هدور على فيدوهات بقى عشان اعرف الدنيا أكتر 09/2015 بدأت أدور على فيدوهات وشوية من منظمة w3c وبردو مش عارف امسك طرف الخيط وفي وسط الفيدوهات لقيت دورات كتير سمعت أكتر من فيديو على أكتر من قناة ومرة كده كان اخر فيديو جربته سمعت صوت شرح الصراحه اول مره محسش بالملل في شرح الفيدوهات اللى بالعربي بالذات طبعاً احنا عارفين الفيدوهات اللى بالعربي عامله ازاي تلاقيه ساعة بيقولك تسبط البرنامج وتقفله ازاي وفجأه اهنكمل الفيديو المره اللى جايه وتلاقي فيدوهات مدتها طويله مقارنة بكم المعلومات بس فعلاً الأستاذ أسامة غير معنى الشرح العربي دقة + أتقان + سرعة + تميز يكفي انى فهمت التراك الصحيح لكل شئ في الويب بجانب انى لقيت ميزه تانيه مش موجوده في اغلب الصفحات العربيه المتابعة المراقبة المستمره على أسئلة الطلبه خلى الفيديوهات والشرح على أعلى درجات التميز والعلم يكفي انى يعتبر في كل فيدو من فيدوهات الكورس بسأله وفي حاجات بالسؤالين والتلاته وبردو مش بيتأخر سؤال تافه أو مهم أي كان ربنا يزيده القناة مينفعش تنافس لانها ماشية بمنهج مختلف تماماً عن أي صفحة أخرى القناة ليها جمهور خاص فكر خاص أسلوب علمي خاص نصيحتي الشخصية عايز تستمتع بالمعلومه وتحس بطعمها أسمع فيديوهات بدقة وأسئل مش هتلاقي الكلام ده في أي صفحة تانيه الأحساس بالتشتت مش هتلاقوه في الفيدوهات دي كم المعلومات أكثر من رائع انت زي ما تقول بتعمل ماستر في الويب من أيد عالم أخيراً : اللى مش هيفكر يتعلم من فيدوهات أ/اسامة محمد هيفوته نص عمره وأنا عن تجربة وتجربة كل من تعلم منه ثروة علمية لا يمكن ان ننساها

0 تعليقات


    أضف تعليقك