تراك Nodejs ولا تراك Java ؟

بص يا صديقي محتاجين نظبط فكرة في السؤال الأول وهي

إن Node.js مش تراك لسه ظاهر وإن Java مش شرط تكون صعبة جدا زي ما انت متخيل

سهولة البداية مش معناها سهولة الاحتراف

وصعوبة التراك مش معناها إن فرصه أكتر أو إنك هتضمن شغل بمجرد ما تتعلمه

من حيث الفرص لازم تحدد انت بتستهدف سوق إيه ومستواك إيه

لأن ممكن تلاقي وظائف كتير لتقنية معينة

لكن أغلبها طالب خبرة وانت لسه بتدور على أول وظيفة

لو انت متعلم JavaScript بالفعل فـ Node.js اختيار منطقي تكمل بيه

ولو الشركات اللي انت مستهدفها بتطلب Java و Spring Boot

يبقى ده سبب واضح يخليك تختار Java

حدد السوق المختار علشان توصل للتراك المناسب

اعمل مقارنة بين الوظائف المناسبة لمستواك في السوق اللي هتشتغل فيه

وشوف المتطلبات المتكررة وبعدها اختار وكمل

متخترش الطريق علشان سهل ولا علشان صعب

اختاره علشان مناسب لهدفك واشتغل على إنك تكون مؤهل للفرص اللي فيه