تخصص ال Cyber Security المطلوب ؟

مفيش حد يقدر يضمنلك الطلب على تخصص بعد 3 أو 4 سنين ولا بعد سنة لان العالم بيتغير كل يوم مع ال AI

وجيز قبل كدة برضة كان صعب حد يتنبأ بدة

لكن لو هختار بناء على المؤشرات الموجودة دلوقتي ال Cloud Security من أقوى الاختيارات

وده تأمين الأنظمة والبيانات والخدمات الموجودة على ال Cloud

وداخل فيه جزء مهم جدا وهو مين عنده صلاحية يدخل على إيه ويعمل إيه

واللي بنسميه Identity and Access Management

ولو انت بتحب البرمجة وفهم التطبيقات ال Application Security اختيار قوي برضه

لأن شغلك بيكون اكتشاف المشاكل الأمنية في التطبيق

والمساعدة في منعها وإصلاحها من مرحلة التصميم ولحد التشغيل

بس خلي بالك إن احتياج الشركات لمهارة مش معناه إن فيه وظائف كتير للمبتدئين فيها

ومش معنى إن التخصص مطلوب إنك تذاكر أدواته وتستنى الشغل

لازم أساس كويس في الشبكات وأنظمة التشغيل والبرمجة

وبعدها تتخصص وتطبق عملي وتشوف متطلبات السوق اللي انت مستهدفه

فترشيحي Cloud Security ولو ميولك برمجية أكتر يبقى Application Security

واختار اللي تقدر تتميز فيه وتكمل تتعلمه لأن اسم التخصص لوحده مش ضمان للمستقبل

وفي النهاية زي ما قولت دة مش ضمان دة بناء على مؤشرات مش مضمونة برضة