مراجعة وتطبيق على حساب طلب

الفكرة

دلوقتي هنجمع اللي اتعلمناه في حساب طلب من متجر 

هنحدد البيانات اللي معانا ونرتب خطوات الحل وبعد كل خطوة نشوف وصلنا لإيه

المطلوب

سعر الكراسة 25 والعميل اشترى 4 كراسات وتكلفة توصيل الطلب كله 15

عاوزين نعرف إجمالي المبلغ اللي العميل هيدفعه شامل التوصيل

جرب تحدد المدخلات وتكتب خطوات الحل قبل ما تكمل

البيانات اللي معانا

دي ال Inputs اللي هنستخدمها وال Outputs المطلوبة هي إجمالي المبلغ شامل التوصيل

الخطوة 1 نحسب سعر الكراسات

نضرب سعر الكراسة في عدد الكراسات 25 × 4 = 100

كدة سعر الكراسات كلها 100 ولسه مضفناش التوصيل

الخطوة 2 نضيف التوصيل

نضيف تكلفة توصيل الطلب على سعر الكراسات 100 + 15 = 115

الخطوة 3 نعرض الإجمالي

المبلغ اللي العميل هيدفعه هو 115

ليه ضفنا التوصيل في الآخر

لأن التوصيل 15 للطلب كله مش لكل كراسة

لو جمعنا سعر الكراسة والتوصيل الأول 25 + 15 = 40 وبعدها ضربنا في 4 هتطلع النتيجة 40 × 4 = 160

كدة حسبنا التوصيل 4 مرات وده مش المطلوب 

علشان كدة بنحسب سعر الكراسات الأول وبعدها نضيف التوصيل مرة واحدة

تدريب

لو العميل اشترى 2 كراسة وسعر الكراسة لسه 25 والتوصيل لسه 15 للطلب كله هيدفع كام

حل التدريب

الخطوة 1 نحسب سعر الكراسات 25 × 2 = 50

الخطوة 2 نضيف التوصيل 50 + 15 = 65

الخطوة 3 نعرض الإجمالي وهو 65

مراجعة سريعة

حددنا البيانات اللي معانا وعرفنا النتيجة المطلوبة وبعدها رتبنا الخطوات وجربناها بأرقام

كدة إحنا كتبنا Algorithm بسيطة لحساب الطلب من غير ما نحتاج نكتب كود