Theme
Primary Color

الدرس 13

طريقة التسمية Naming Convention

معنى أسماء العناصر والمصطلحات

المعنىStand ForName
طريقة ثابتة بنمشي عليها في تسمية العناصرNaming Convention
كلمات بحروف صغيرة وبينها شرطةKebab Case

اسم الكلاس بيساعدك تعرف العنصر ده بيعمل إيه وانت بتقرأ الكود 

خلينا نشوف إزاي نكتب أسماء واضحة ونستخدمها في CSS

اسم يوضح وظيفة العنصر

عندنا فقرة لوصف منتج فممكن نسمي الكلاس product-description

<p class="product-description">A Practical Guide To CSS</p>
.product-description {
  color: blue;
}

النقطة بنكتبها في محدد CSS بس اسم الكلاس داخل HTML من غير نقطة

الاسم product-description هيفضل واضح حتى لو غيرنا اللون 

لكن blue-text بيربط الاسم بلون ممكن يتغير 

علشان كدة الاسم مش معبر 

الا لو انت في المستقبل حبيت تعمل اطار عمل 

ودة بيكون فيه Class خاص باللون أو حجم الخط 

ودة هتشوفه في المستقبل باذن الله

والاسمين صحيحين من ناحية الكتابة

أسماء سليمة

الأسماء دي نقدر نستخدمها مباشرة بعد النقطة في CSS

.card { color: blue; }
.product-title { color: green; }
.item2 { color: red; }
.user_name { color: purple; }
._notice { color: brown; }

تقدر تستخدم أرقام بعد بداية الاسم والشرطة السفلية مسموحة كمان في أمثلتنا هنلتزم بطريقة Kebab Case زي product-title علشان شكل الأسماء يبقى ثابت وسهل القراءة

أمثلة غلط في محدد CSS المباشر

الأمثلة دي فيها أخطاء متعمدة متكتبهاش بالشكل ده علشان تختار الكلاس

.2card { color: red; }
.product! { color: blue; }

الأول بدأ برقم والتاني فيه علامة تعجب علشان نستخدم الاسم مباشرة بعد النقطة نغيرهم للأسماء دي

.card-2 { color: red; }
.product { color: blue; }

الكلام هنا عن كتابة محدد CSS بالشكل المباشر مش عن منع تخزين الاسم داخل خاصية class في HTML

المسافة معناها كلاس تاني

<p class="product description">Two Separate Classes</p>

هنا فيه كلاسين واحد اسمه product والتاني description لو قصدك اسم واحد اكتبه product-description

الحروف لازم تتطابق

<p class="product-title">CSS Guide</p>
/* Matches */
.product-title { color: green; }

/* Does Not Match */
.Product-Title { color: red; }

الحروف الكبيرة والصغيرة بتفرق فاكتب الاسم بنفس الشكل في HTML و CSS

جرب بنفسك

اعمل عنوان باسم page-title وفقرة باسم page-description واكتب لكل واحد لون مختلف ثم غير اسم الكلاس في HTML فقط ولاحظ إن التنسيق مش هيطابق العنصر لحد ما تعدل الاسم في CSS كمان

آخر تعديل للدرس: