الدرس 7
يعني إيه CSS وإيه دورها في صفحة الويب
معنى أسماء العناصر والمصطلحات
| المعنى | Stand For | Name |
| لغة لتنسيق شكل صفحات الويب | Cascading Style Sheets | CSS |
| لغة لبناء محتوى الصفحة وهيكلها | HyperText Markup Language | HTML |
| المتصفح اللي بيعرض الصفحة | Browser | |
| ملف أو مجموعة أكواد للتنسيق | Stylesheet |
في كورس HTML بنينا الصفحة واخترنا العنصر المناسب لكل جزء من المحتوى
دلوقتي عاوزين نتحكم في شكل العناصر زي لون النص وحجمه والمسافات وترتيب أجزاء الصفحة وده دور CSS
المحتوى والتنسيق
لو عندنا فقرة بتقول إن ده أول مشروع لينا فال HTML بتحدد إنها فقرة وال CSS بتحدد شكلها
<p>This Is My First CSS Project</p>p {
color: red;
font-size: 40px;
}المثال بيطلب عرض نص الفقرة باللون الأحمر وبحجم 40 بكسل
| الفائدة | Property |
| بتغير لون النص | color |
| بنغير حجم الخط للنص | font-size |
ليه الصفحة ليها شكل من غير CSS بتاعتنا
المتصفح عنده تنسيقات افتراضية بتخلي العناوين كبيرة والروابط مميزة والقوائم ليها علامات
إحنا بنضيف أكواد التنسيق بتاعتنا علشان نتحكم في الشكل المطلوب بدل الاكتفاء بالتنسيق الافتراضي
إيه اللي محتاجه قبل ما تبدأ
- تعرف تعمل ملف HTML وتفتح الصفحة في المتصفح
- تفهم العناصر والخصائص والتداخل
- تعرف الفرق بين class و id في HTML
- يكون عندك محرر كود ومتصفح حديث
هدف أول قسم
هنعمل مشروع learn-css ونتعلم نربط ملف التنسيق ونختار العناصر ونكتب أكواد تنسيق بسيطة ونفهم سبب النتيجة
مش محتاج صور أو إضافات في البداية علشان تركز على الكود والتجربة
فكر قبل ما تكمل
لو عاوز تغير نص عنوان فهتعدل HTML ولو عاوز تغير لون نفس العنوان فهتعدل CSS
آخر تعديل للدرس: