رفع المشروع لأول مرة باستخدام Push

بعد ما ربطنا المشروع برابط المستودع هنرفع ال Commits اللي حفظناها علشان تظهر على GitHub

1 - رفع المشروع

افتح Git Bash داخل نفس فولدر المشروع

ال Push معناها دفع وهنا المقصود إرسال التعديلات المحفوظة إلى GitHub

هنستخدم اسم master في أمثلة الكورس ولو الاسم عندك main كمل بنفس اسمك واستخدم main بدل master طول الدروس

ال origin هو الاسم اللي حفظنا تحته رابط المستودع لما استعملنا add origin وبعده اللينك 

ال master هو اسم خط الشغل الحالي اللي ظاهر بين القوسين في Git Bash وهنستخدمه زي ما هو دلوقتي

ال -u هي الصيغة القصيرة من --set-upstream وبتحفظ الربط علشان نقدر نكتب git push لوحده في المرات الجاية

2 - تسجيل الدخول لو ظهر

لو ظهرت نافذة تسجيل الدخول اختار الدخول من المتصفح وكمل بنفس حساب GitHub اللي عملت عليه المستودع

لو ظهر طلب سماح ل Git Credential Manager وافق عليه وده مدير بيانات الدخول المرفق مع Git for Windows

لو الدخول محفوظ عندك ممكن الخطوة دي متظهرش

شكل الأمر لو تم بشكل صحيح

3 - مشاهدة الملفات على GitHub

بعد ما الأمر يخلص افتح صفحة المستودع واعمل تحديث

هتلاقي README.md و .gitignore وباقي الملفات اللي حفظتها باستخدام Commit

الملفات اللي تجاهلناها زي notes.txt مش هتظهر

كدة الملفات وتاريخ تعديلاتها بقوا موجودين على GitHub ونسخة جهازك لسه موجودة زي ما هي