إنشاء Repository على GitHub

المشروع لحد دلوقتي موجود على جهازك وهنجهز له مكان على GitHub

ال Repository معناها مستودع وهو المكان اللي بيجمع ملفات المشروع وتاريخ تعديلاته

1 - فتح صفحة الإنشاء

سجل دخولك على GitHub وبعدها اضغط علامة + في أعلى الصفحة واختار New repository

ال New repository معناها مستودع جديد

أو من خلال الرابط التالي https://github.com/new

2 - اختيار الاسم

في Owner اختار حسابك والاسم ده معناه صاحب المستودع

في Repository Name اكتب Learn-Git

3 - اختيار ظهور المشروع

اختار Public لو عاوز المشروع يكون ظاهر لأي حد

ال Public معناها عام وال Private معناها خاص

في التدريب هنستخدم Public والمشروع فيه ملفات التدريب بس

4 - إنشاء مستودع فاضي

سيب إضافة README مقفولة ومتختارش قالب .gitignore أو License

عندنا الملفات على الجهاز بالفعل ومحتاجين المستودع يبدأ فاضي

اضغط Create repository ومعناها إنشاء مستودع

هتظهر صفحة فيها Quick setup ومعناها إعداد سريع وكدة المستودع اتعمل لكن لسه مفيهوش ملفات

وممكن تشوف الصورة توضحلك الفكرة