تجهيز Git Bash و التأكد من تثبيت Git

هنستخدم Git Bash لكتابة أوامر المشروع على Windows

ال Git Bash نافذة أوامر بتتثبت مع Git for Windows نكتب فيها الأمر وندوس Enter علشان يتنفذ

وفي كورس Command Line فيديو على قناة اليوتيوب وكورس مكتوب على المنصة يخليك تتعلم Bash بالتفصيل

1 - تحميل Git

افتح صفحة تحميل Git على Windows واختار ملف التثبيت المناسب لجهازك

لو Git متثبت عندك بالفعل افتح Git Bash وجرب أمر عرض الإصدار الموجود تحت قبل ما تعيد تثبيته

2 - التثبيت

افتح ملف التثبيت وامشي في الخطوات باستخدام Next 

وسيب الاختيارات الافتراضية لو مش محتاج تغير إعداد معين

اضغط Install واستنى لحد ما التثبيت يخلص وبعدها اضغط Finish

3 - فتح Git Bash

افتح قائمة Start وابحث عن Git Bash وافتحه

اكتب الأمر ده وبعدها اضغط Enter

قراءة النتيجة

ال --version بتطلب عرض رقم إصدار البرنامج

المفروض تشوف git version وبعدها رقم الإصدار المثبت عندك

والرقم ممكن يختلف من جهاز للتاني

لو ظهر command not found اتأكد إن التثبيت خلص وافتح نافذة جديدة من Git Bash

كتابة الأوامر

اكتب الأمر بس من غير علامة $ اللي بتظهر في بداية سطر الكتابة

كل أمر في بلوك مستقل نفذه واستنى النتيجة قبل ما تكتب الأمر اللي بعده

دلوقتي الأداة جاهزة لكتابة أوامر Git

لو نسخت الأمر وعاوز تلصقه داخل Git Bash اضغط على عجلة الماوس اللي في النص أو استخدم Shift + Insert دي طريقة اللصق في نافذة Git Bash العادية بالإعدادات الافتراضية