تجاهل الملفات باستخدام Gitignore

ممكن يكون عندك ملف ملاحظات خاص بيك داخل المشروع ومش عاوز تضيفه مع باقي الملفات

أو ملف خاص ببيانات المشروع مش المفروض يترفع من ضمن الملفات

ال Ignore معناها تجاهل وملف .gitignore بنكتب جواه أسماء الملفات اللي عاوزين Git يتجاهلها

1 - إضافة ملف ملاحظات

افتح نفس فولدر المشروع في محرر النصوص واعمل ملف باسم notes.txt جنب README.md

اكتب جواه السطر ده واحفظه

راجع حالة المشروع

هتلاقي notes.txt تحت Untracked files لأنه ملف جديد لسه مضفناهوش لل Staging Area

2 - إنشاء ملف التجاهل

في نفس المكان اعمل ملف اسمه .gitignore

خلي بالك من النقطة اللي في أول الاسم ومتضيفش .txt في آخره

اكتب جواه اسم ملف الملاحظات واحفظه

راجع الحالة مرة تانية

هتلاقي notes.txt اختفى من قائمة الملفات الجديدة وظهر مكانه .gitignore

ملف الملاحظات لسه موجود على جهازك زي ما هو لكن Git بقى بيتجاهله

3 - تجاهل فولدر كامل

اعمل فولدر باسم temp داخل المشروع وحط جواه ملف note.txt

ال Temp اختصار Temporary ومعناها مؤقت

ضيف السطر ده تحت اسم ملف الملاحظات في .gitignore

العلامة / في النهاية بتوضح إن المقصود فولدر وبكدة بنتجاهل الملفات اللي جواه كمان

4 - تجاهل نوع معين من الملفات

لو عاوز تتجاهل أي ملف امتداده .log ضيف السطر ده كمان

ال Log معناها سجل والنجمة * هنا مكان اسم الملف

يعني القاعدة دي تتجاهل ملف زي debug.log أو error.log

كدة محتوى .gitignore هيكون بالشكل ده

احفظ الملف واعمل ملف جديد باسم debug.log علشان تجرب وبعدها راجع الحالة

الملفات اللي طلبنا تجاهلها مش هتظهر ضمن الملفات الجديدة

5 - حفظ ملف التجاهل

ملف .gitignore نفسه جزء من المشروع فهنضيفه ونحفظه بنفس الخطوات اللي عرفناها

كدة قواعد التجاهل اتحفظت في تاريخ المشروع