الدرس 5
إنشاء مشروع و بدء تتبعه باستخدام Init
هنعمل فولدر جديد ونخلي Git يبدأ يتابع المشروع اللي جواه
افتح Git Bash في المكان اللي عاوز تحفظ فيه المشروع زي الصورة كدة
وانا هنا دخلت على My Documents ودوست Right Click واخترت زي الصورة
خيار Open Git Bash Here
1 - إنشاء فولدر المشروع
ال mkdir اختصار Make Directory ومعناه إنشاء فولدر
هنسمي فولدر المشروع learn-git
mkdir learn-gitكدة اتعمل الفولدر لكن إحنا لسه واقفين بره
2 - الدخول للفولدر
ال cd اختصار Change Directory ومعناه تغيير المجلد الحالي
ادخل فولدر المشروع بالأمر ده
cd learn-git
3 - تشغيل Git داخل المشروع
ال init اختصار Initialize ومعناه التهيئة
الأمر ده بيجهز المجلد علشان نتابع تعديلاته باستخدام Git
git initهتظهر رسالة فيها Initialized Empty Git Repository ومعناها إن مستودع Git اتعمل وهو لسه فاضي
ال .git فولدر مخفي بيحفظ بيانات Git وتاريخ المشروع وسيبه زي ما هو
4 - إضافة أول ملف
افتح فولدر المشروع في محرر النصوص واعمل ملف جديد باسم README.md
ال README معناها اقرأني وهو ملف بنكتب فيه تعريف بسيط بالمشروع
اكتب فيه النص ده واحفظ الملف
# Elzero Git Practice
A Small Project For Learning Git
5 - عرض حالة المشروع
ارجع لنفس نافذة Git Bash واكتب الأمر ده
ال Status معناها الحالة والأمر بيعرض حالة ملفات المشروع
git status
هتشوف اسم الملف README.md تحت Untracked files
ده معناه إن Git شايف الملف لكن لسه مضفناهوش للتتبع
وهتشوف No Commits Yet لأننا لسه مسجلناش أي مرحلة من شغلنا
لو عاوز تعرف معنى كلمة Commit تقدر تعتبرها اعتماد التغييرات وتسجيلها كمرحلة محفوظة في تاريخ المشروع
كدة عندنا فولدر مشروع وملف بسيط و Git جاهز جواه