الدرس 1
يعني إيه HTML وإيه دورها في صفحة الويب
معنى أسماء العناصر والخصائص
ال HTML اختصار ل HyperText Markup Language ومعناها لغة ترميز النص التشعبي وبتستخدم لوصف هيكل صفحة الويب
قبل ما نكتب أول سطر كود خلينا نتخيل إننا بنعمل موقع لمكتبة اسمها Book Store
المكتبة محتاجة اسم واضح ووصف للكتب وروابط تنقلنا بين الصفحات وصور لأغلفة الكتب
هنا بيبدأ دور HTML لأنها بتحدد نوع كل جزء من المحتوى ومعناه
الصفحة مش مجرد كلام على الشاشة
ال HTML اختصار HyperText Markup Language ومعناها لغة توصيف النص التشعبي
بدل ما نكتب اسم المكتبة كنص عادي بنحطه داخل عنصر عنوان وبدل ما نسيب الوصف من غير تنظيم بنحطه داخل عنصر فقرة
<h1>Book Store</h1>
<p>Welcome To Our Book Store</p>ال h1 هنا عنوان رئيسي وال p فقرة نصية وهنتعرف على كل عنصر بالتفصيل في الدروس الجاية
فين CSS و JavaScript من الكلام ده
- ال HTML بتوصف المحتوى وتبني هيكل الصفحة
- ال CSS بتتحكم في الألوان والمسافات وتوزيع العناصر
- ال JavaScript بتضيف سلوك وتفاعل زي تحديث سلة الشراء
تقدر تعمل صفحة مفيدة باستخدام HTML لوحدها ومش محتاج تتعلم اللغات الثلاثة في نفس الوقت علشان تبدأ
ال HTML لغة توصيف وليست لغة برمجة عامة للأوامر والحسابات لكن ده لا يقلل من أهميتها لأنها أساس محتوى صفحات الويب
تطبيق قبل الدرس الجاي
اختار فكرة صفحة بسيطة واكتب على ورقة المحتوى اللي محتاجه فيها
مثلا صفحة تعريف بنفسك فيها اسمك وفقرة عنك ورابط لأعمالك
هدفك هنا تحدد معنى المحتوى قبل ما تفكر في لونه أو حجمه