يعني إيه جدول وإنشاء أول جدول

جدول بيجمع بيانات من نفس النوع

تخيل إنك عاوز تحتفظ بأسماء عملاء بدل ما تكتب الأسماء بشكل عشوائي 

بتجمعها في جدول اسمه customer

الجدول مكان منظم للبيانات وكل جدول ليه اسم بنستخدمه لما نتعامل معاه

أنشئ الجدول

افتح قاعدة التدريب shop.db في البرنامج ومن تبويب Execute SQL شغل الكود ده مرة واحدة

الكود عمل إيه

ال CREATE TABLE معناها أنشئ جدول 

و customer هو اسم الجدول 

والاسم name بين الأقواس هو أول عمود فيه

الجدول لازم يكون فيه عمود واحد على الأقل وقت الإنشاء لكن مش لازم يكون فيه بيانات من البداية

شوف النتيجة

افتح Database Structure وهتلاقي اسم الجدول ظهر 

ولو فتحت Browse Data واخترت الجدول هتلاقي عمود name من غير صفوف بيانات

ظهور الجدول من غير أسماء طبيعي لأننا أنشأنا مكان البيانات بس ولسه مضفناش بيانات

اضغط Write Changes لو الزر متاح علشان تحفظ التغيير

بخصوص نوع البيانات

في المثال ده لسه محددناش نوع بيانات للعمود 

علشان نركز على فكرة الجدول ده مسموح في جداول SQLite العادية اللي بنستخدمها هنا 

وأنواع البيانات ليها شرح منفصل

تأكد من فهمك

هل إنشاء الجدول بيضيف أسماء عملاء لوحده؟ لا الكود أنشأ جدول فاضي بعمود واحد بس