مقدمة مهمة قبل بدأ شرح SQL

قبل ما نتكلم عن يعني إيه قاعدة بيانات 

أو نبدأ نشرح لغة SQL هنجهز الأول الأداة اللي هنجرب عليها الكود

الفكرة إنك يبقى عندك مكان تكتب فيه المثال وتشوف نتيجته بنفسك 

بدل ما تقرأ الشرح من غير تجربة لما تشوف اللي بيحصل قدامك فهم المعلومة هيبقى أسهل

المطلوب منك في مرحلة التجهيز

هنثبت برنامج DB Browser for SQLite ونجهز ملف للتدريب وكله في الدروس اللي جاية

ونتعرف على مكان كتابة الكود ومكان ظهور النتيجة ونجرب حفظ شغلنا وفتحه تاني

مش مطلوب منك دلوقتي تفهم معنى قاعدة البيانات أو تحفظ الأوامر اللي هتجربها 

هدفنا في المرحلة دي إن الأداة تشتغل عندك وتعرف تستخدمها للتجربة

إزاي تتعامل مع الأمثلة

نفذ خطوات التجهيز بهدوء ولما تلاقي مثال اكتب الكود وشغله 

وقارن النتيجة بالنتيجة الموجودة في الشرح 

لو ظهرت نتيجة مختلفة راجع اللي كتبته وحاول تعرف الفرق

هنشرح المفاهيم من البداية بعد التجهيز 

فلو قابلت اسم جديد في خطوات إعداد الأداة مش محتاج تدور على كل تفاصيله دلوقتي