Theme
Primary Color

الفرق بين == و === في JavaScript

الاتنين بنستخدمهم للمقارنة والنتيجة بتكون true أو false لكن الفرق بينهم بيظهر لما نوع البيانات يكون مختلف

المقارنة باستخدام ==

لو النوع مختلف ممكن JavaScript تحول القيم حسب قواعد المقارنة قبل ما تقارنهم

// Compare With Type Conversion
console.log(5 == "5"); // true

هنا القيمة الأولى رقم والتانية نص وفي المقارنة دي النص بيتحول لرقم علشان كده النتيجة true

المقارنة باستخدام ===

بتقارن من غير تحويل تلقائي للنوع ولو النوع مختلف النتيجة بتكون false

// Compare Without Type Conversion
console.log(5 === "5"); // false

الرقم 5 مختلف عن النص "5" في نوع البيانات حتى لو شكلهم متشابه

// Compare Two Numbers
console.log(5 === 5); // true

هنا النوع واحد والقيمة واحدة علشان كده النتيجة true

أستخدم أنهي واحد

استخدم === في أغلب الحالات علشان تتجنب نتائج التحويل التلقائي ولو محتاج تحول قيمة من نص لرقم اعمل التحويل بوضوح قبل المقارنة

javascript