السؤال 01
ايه الى اقدر اخده من الجافا اسكريبت يفيدني في مجال الفرونت اند فقط دون التطرق لباقى التخصصات عشان اللغه دي طويله
السؤال 02
هل حضرتك ناوي في المستقبل تدّرس مجال غير الweb ولا لا ؟
السؤال 03
ياريت تتكلم عن الاحباط الي بيحصل وقت الدراسه , بحس ان كل الي بعمله ده ملوش لازمه , بسبب قله فرص العمل للمجال في مصر
السؤال 04
الحد الأدنى اللي محتاجة أتعلمه ف تراك الفرونت اند عشان أبدأ أشتغل ك فري لانسر
السؤال 05
اول سؤال: دلوقتي انا في اعدادي هندسة وعايز ابدأ في المجال…بس بتواجهني مشكلة اني مش عارف هل ده المجال اللي هيناسبني كcareer ولا لأ… انا كنت بتعلم بيزكس بتاعة حاجات زي البايثون والاندرويد بالجافا والاردوينو وعملت بيها مشاريع كويسة نوعا ما وكنت ببقى مستمتع فهل ده يعتبر مقياس ان البرمجة هتناسبني كشغل قدام ولا مش شرط؟ تاني سؤال: انا عارف ان اي حد بيخش مجال السوفتوير لازم في الاول يكون عنده اساسيات معينة زي الalgorithms و الdata structures والdesign patterns و كده…. وانا معنديش مشكلة اتعلمهم بس مش عارف اتعلمهم منين… وانا مش عارف اتعلمهم منين مش بسبب قلة المصادر لا ده العكس… يعني مثلا افتح كورس على يوديمي الاقيه مثلا 70 ساعة اقول خلاص انا هبدأ فيه… بعدها بيوم الاقي مثلا كورس على موقع تاني اكبر في عدد الساعات اقول يبقى ده اشمل… بعد كده الاقي واحد تاني مش مقيد بمدة ووواصل مثلا ل300 ساعة ومجاني زي الحاجات بتاعة freecodecamp… وبفضل في الدوامة دي كتير وفي الاخر مبتعلمش حاجة عشان مش عارف المصدر المناسب ليا واللي يكون اشمل واعم من باقي الكورسات فبالتالي سؤالي ازاي احدد الكورس المناسب ليا وميكونش اي كلام وخلاص؟ تالت سؤال: هل الواحد لو خلص الاساسيات يقدر ياخد اكتر من تراك في نفس الوقت ولا بيبقى صعب… لان انا بسمع ان لو الواحد خلص الحاجات اللي فوق هيقدر يخلص اي تكنولوجي في فترة قصيرة ومن غير تعب فهل ده فعلا صح ولا لأ؟ رابع سؤال: كان في واحد كاتب انه full stack developer وكاتب الحاجات اللي متعلمها وكانت فعلا كتيرة ويمكن اكتر من المطلوب كمان زائد انه بيدي كورسات وليه انشطة كتير… وقال انه حاليا شغال بمرتب 2500 جنيه؟! فهل السوق فعلا بالبشاعة دي ولا اكيد هو كان واقع منه حاجة ودي مجرد حجة؟ اسف على الاطالة بس اعتقد ان كمان معظم الاسئلة هامة ناس كتير غيري
السؤال 06
خطة القناة الفترة اللى جاية ان شاء الله
السؤال 07
انا كـ Developer المفروض اعمل ايه علشان الـ SEO ؟! يعني بغض النظر عن محتوى المقالات نفسها والكلام ده.. ده شغل العميل.. انا نفسي اعمل ايه عشان السيو؟!
السؤال 08
استشعر ازاي اهمية oop عملي
السؤال 09
سلام عليكم ورحمة الله تعالى وبركاته ازاي تبقى devolper مرن وتقدر تبدل بين اللغات البرمجية او الادوات في حين انك لازم تتعمق في اللغات عشان تتقنها وتحترفها
السؤال 10
انا كنت خدت كورسين front end و كورس full stack بس انا بردو حاسس اني تايه و مش عارف مفروض اعمل ممكن نصيحة
0 تعليقات