الدرس 12

حذف الملفات والمجلدات باستخدام rm و rmdir

هنطبق الحذف على النسخ اللي عملناها داخل learn-command-line

علشان تتعلم الفرق بين حذف ملف وحذف مجلد

الحذف بالأوامر دي مش بينقل الملفات لسلة المحذوفات

اتأكد من اسم الملف والمكان الحالي قبل التنفيذ

المعنى	Stand For	Name
حذف ملفات ويمكنه حذف مجلدات باختيارات مناسبة	Remove	rm
حذف مجلد فاضي	Remove Directory	rmdir

cd ~/learn-command-line
pwd
ls backups

راجع إنك داخل مجلد التدريب وإن الأسماء اللي هتحذفها هي النسخ اللي مش محتاجها

rm backups/notes.txt

حذفنا النسخة اللي جوه backups بس والملف notes.txt الموجود في مجلد التدريب فضل زي ما هو

rm backups/index.html backups/app.js

بنكتب أسماء الملفات مفصولة بمسافات وراجع كل اسم لأن الأمر بيتعامل مع كل ملف كتبته

rm -i backups/final-notes.txt

الاختيار -i بيخلي الأمر يسألك قبل حذف الملف

اكتب y ثم Enter للموافقة أو n ثم Enter لرفض الحذف

مجلد archive بقى فاضي بعد نقل الملف اللي كان جواه نقدر نحذفه باستخدام

rmdir archive

لو المجلد فيه أي محتوى rmdir هيرفض حذفه وده يشمل وجود ملفات مخفية

ال rm لوحده مش بيحذف مجلد حتى لو فاضي

علشان يشمل المجلد ومحتوياته بنستخدم -r

وهنا هنضيف -i كمان علشان تظهر أسئلة التأكيد

rm -ri backups/website-backup

ال -r بيشمل المجلد وما بداخله وال -i بيطلب تأكيد أثناء العملية

ممكن يظهر أكتر من سؤال للدخول للمجلدات وحذف الملفات وحذف المجلدات نفسها

اقرأ المسار في كل سؤال ووافق بس على النسخة الموجودة داخل backups

لو رفضت حذف جزء ممكن يفضل المجلد موجود لأن بعض محتوياته لسه موجودة

آخر تعديل للدرس: 17/10/2026