الدرس 11
نقل الملفات وتغيير الأسماء باستخدام mv
ال mv بنستخدمه لنقل ملف أو مجلد لمكان تاني
وبنستخدمه كمان لتغيير الاسم
الفرق عن cp إن الأصل مش بيفضل في مكانه القديم بعد نجاح النقل
معنى الأسماء والمصطلحات
| المعنى | Stand For | Name |
| نقل ملف أو مجلد أو تغيير اسمه | Move | mv |
تغيير اسم ملف
داخل مجلد التدريب عندنا النسخة notes-copy.txt هنغير اسمها
cd ~/learn-command-line
mv notes-copy.txt archived-notes.txtبعد التنفيذ هتلاقي archived-notes.txt والاسم القديم notes-copy.txt مش موجود
لأننا غيرنا الاسم من غير ما نعمل نسخة إضافية
lsنقل ملف لمجلد
اعمل مجلد archive وبعدها انقل الملف جواه
mkdir archive
mv archived-notes.txt archive/الملف بقى جوه archive بنفس اسمه ومش موجود في المكان القديم
ls archiveنقل الملف وتغيير اسمه في نفس الأمر
mv archive/archived-notes.txt backups/final-notes.txtحددنا مكان الملف الحالي في الأول وبعده المكان الجديد مع اسم جديد
الملف بقى جوه backups باسم final-notes.txt ومجلد archive بقى فاضي
تغيير اسم مجلد
mv website-copy website-backupغيرنا اسم نسخة مجلد الموقع إلى website-backup
والمحتويات اللي جواه فضلت موجودة بنفس أسمائها
نقل مجلد كامل
mv website-backup backups/المجلد بقى داخل backups بمحتوياته وللتأكد من مكانه
ls backups/website-backupلو الاسم الجديد مستخدم
لو بتنقل ملف لمكان فيه ملف بنفس الاسم فال mv ممكن يستبدله
استخدم -i لو عاوز سؤال تأكيد قبل الاستبدال
مثال على شكل الأمر لو عندك ملف اسمه draft.txt وعاوز تسميه final.txt
mv -i draft.txt final.txtلو final.txt موجود كملف هيظهر سؤال قبل استبداله
ولو مش موجود هيتم تغيير الاسم من غير سؤال