الدرس 6

فهم تركيب الأمر وال Options وال Arguments

السطر اللي بتكتبه ممكن يكون اسم أمر بس وممكن تضيف معاه اختيارات وبيانات حسب المهمة اللي عاوز تنفذها

command options arguments

ده شكل توضيحي لأجزاء السطر ومش أمر مطلوب تنفذه

المعنى	Stand For	Name
اسم الأمر اللي هيتنفذ		Command
اختيارات بتغير طريقة عمل الأمر		Options
بيانات بنبعتها للأمر زي النص أو اسم الملف		Arguments

pwd

هنا كتبنا اسم الأمر بس وهو كفاية علشان يعرض مكان المجلد الحالي

echo "Hello Elzero"

ال echo هو اسم الأمر والنص Hello Elzero هو البيانات اللي بنطلب منه يعرضها وده Argument

علامات الاقتباس بتجمع النص في جزء واحد حتى لو جواه مسافات

في Bash نقدر نستخدم الاختيار -e مع echo علشان يفسر رموز زي \n اللي بتنقل الكتابة لسطر جديد

echo -e "Hello\nElzero"

النتيجة

Hello
Elzero

في إعدادات Git Bash الافتراضية جرب نفس النص من غير الاختيار -e

echo "Hello\nElzero"

هتشوف \n مكتوبة جوه الرسالة بدل ما تتحول لسطر جديد

Hello\nElzero

بنكتب مسافة بين اسم الأمر والاختيار والنص لكن الاختيار نفسه بنكتبه -e من غير مسافة بين الشرطة والحرف

مش كل أمر ليه نفس الاختيارات فمعنى الاختيار بيتحدد حسب الأمر اللي بتستخدمه

آخر تعديل للدرس: 17/10/2026