الدرس 7
التنقل بين المجلدات باستخدام cd
علشان تتعامل مع الملفات بالأوامر محتاج تعرف إنت واقف فين وتوصل للمجلد اللي عاوز تشتغل جواه
معنى الأسماء والمصطلحات
| المعنى | Stand For | Name |
| تغيير المجلد الحالي | Change Directory | cd |
| عرض أسماء الملفات والمجلدات | List | ls |
| مجلد المستخدم الرئيسي | Home Directory | |
| المجلد اللي يحتوي على المجلد الحالي | Parent Directory |
اعرف مكانك واعرض الموجود
افتح Git Bash واكتب الأمرين دول كل واحد في سطر
pwd
lsال pwd بيعرض مسار المجلد الحالي وال ls بيعرض أسماء الملفات والمجلدات اللي جواه
والأسماء عندك هتختلف حسب المكان اللي فاتحه
الدخول لمجلد
ال cd بعده اسم المجلد اللي عاوز تدخله
لو موجود عندك مجلد اسمه Documents تقدر تدخل عليه كده
cd Documentsاستخدم اسم مجلد ظهر عندك فعلا في نتيجة ls وبعد الدخول جرب
pwd
lsهتلاحظ إن المسار اتغير وال ls بقى يعرض محتويات المجلد اللي دخلته
الرجوع للمجلد الأب
cd ..النقطتين معناهم المجلد الأب يعني المجلد اللي يحتوي على المكان الحالي
فلو إنت جوه Documents هترجع للمجلد اللي جواه Documents
الرجوع لمجلد المستخدم
cd ~علامة ~ اسمها Tilde وبتشير هنا لمجلد المستخدم الرئيسي وممكن ترجع لنفس المكان بكتابة cd لوحده
cdالرجوع للمكان السابق
cd -ال cd - بيرجعك للمجلد اللي كنت فيه قبل آخر انتقال وبيطبع مساره
وده مختلف عن cd .. اللي بيطلع للمجلد الأب
لو اسم المجلد فيه مسافات
حط الاسم بين علامتي اقتباس لو عندك مجلد بالاسم ده
cd "My Projects"علامات الاقتباس بتخلي الاسم كله جزء واحد
لو ظهر No such file or directory راجع اسم المجلد
واتأكد إنه موجود داخل المكان اللي واقف فيه