الدرس 9
فهم Attributes وكتابة خصائص العناصر بشكل صحيح
معنى أسماء العناصر والخصائص
ال Attributes معناها خصائص وال Attribute خاصية واحدة بتضيف معلومة للعنصر
ال id اختصار ل Identifier يعني معرف وال class معناها فئة بنجمع تحت اسمها عناصر وال title معناها عنوان أو معلومة استشارية حسب استخدامها
العنصر بيحدد نوع المحتوى والخصائص بتضيف معلومات عنه أو بتحدد سلوكه
استخدمنا قبل كده lang و dir على عنصر html ودلوقتي هنفهم شكل الخصائص بشكل أوضح
مكان الخاصية في الكود
<p id="welcome" class="intro" title="Welcome Message">Welcome To The Book Store</p>بنكتب الخصائص داخل وسم البداية بعد اسم العنصر وبنفصل بينها بمسافات
ال id بيدي العنصر معرف فريد داخل المستند وال class بتسمح بتجميع عناصر تحت اسم نستخدمه بعدين مع التنسيق
ال title بتضيف معلومة استشارية وقد يعرضها المتصفح عند الوقوف بالمؤشر لكنها مش بديل للمحتوى المهم
خلي القيم واضحة
<p
id="welcome"
class="intro"
lang="en"
dir="ltr"
>Welcome To The Book Store</p>توزيع الخصائص على سطور مختلفة بيخلي الكود أسهل في القراءة ومش بيغير معناها
بنستخدم علامات اقتباس حول القيم وبنكتب أسماء العناصر والخصائص بحروف صغيرة علشان يكون الأسلوب ثابت
ال class لوحدها مش بتغير شكل العنصر ومينفعش تكرر نفس id على عنصرين داخل نفس الصفحة
تطبيق صغير
ضيف معرف welcome لفقرة الترحيب واسم class مناسب لفقرتين عندك
جرب فقرة إنجليزي داخل الصفحة العربية باستخدام lang و dir من المثال
راجع إن كل خاصية جوه وسم البداية وإن قيمتها مش مكتوبة كنص ظاهر بين الوسمين
وهنا الشكل بعد كتابة ال Code والرسالة ظاهرة لما تروح بالماوس على العنصر "Hover"
