الدرس 8
كتابة الفقرات وفهم المسافات وفواصل السطور
معنى أسماء العناصر والخصائص
ال p اختصار ل Paragraph يعني فقرة وال br اختصار ل Break وبتستخدم هنا لعمل فاصل سطر
العنوان بيقول للقارئ هيتكلم عن إيه الجزء الجاي والفقرة بتشرح الفكرة نفسها
بدل ما تكتب وصف المكتبة ككلام متفرق داخل body جمع كل فكرة داخل عنصر p
كل فكرة في فقرة
<h1>Book Store</h1>
<p>Discover Books About Web Development</p>
<p>Choose A Topic And Start Learning</p>المتصفح بيعرض الفقرتين كجزئين منفصلين حتى لو كتبتهم في نفس سطر الكود
سطر الكود مش هو سطر الصفحة
في العرض العادي المسافات المتكررة وفواصل السطور داخل النص غالبا بتتجمع في مسافة واحدة
<p>Learn
HTML Today</p>النتيجة المعتادة هنا هي Learn HTML Today في سطر واحد لو المساحة تسمح
لو عندك عنوان بريدي أو أبيات شعر ومحتاج كسر سطر داخل نفس الفكرة ممكن تستخدم br
<p>Book Store<br>Learning Street<br>Cairo</p>متستخدمش عناصر br متكررة علشان تعمل مسافات بين أجزاء التصميم واستخدم CSS للمسافات لما نوصل لها
جرب بنفسك
ضيف فقرتين تحت عنوان المكتبة ثم غير مكان فواصل السطور في المحرر
لاحظ إن تنظيم الكود مش بيغير معنى الفقرتين وبعدها جرب br داخل عنوان المكتبة البريدي وشوف الفرق
ودة مثال لل Code لتوضيح الفكرة
