يعني إيه Markdown و هنستخدمها في إيه

يعني ايه Markdown

ال Markdown هي Lightweight Markup Language يعني لغة ترميز خفيفة 

بنستخدمها لتنسيق النصوص بعلامات بسيطة

ال Markup معناها هنا إننا بنضيف علامات للنص 

علشان نوضح إن الجزء ده عنوان أو قائمة أو رابط بدل ما يكون كله كلام عادي

هي لغة وظيفتها تنظيم المحتوى وتنسيقه 

مش كتابة منطق برنامج أو تنفيذ عمليات حسابية

بتكتب النص في ملف عادي وتضيف له علامات التنسيق 

والمعاينة بتقرأ العلامات دي وتعرض الكلام بشكله المنسق وممكن يتحول إلى HTML

الفكرة إن الملف يفضل سهل القراءة حتى قبل ما تعرضه في المعاينة

الإستخدام

لو عندك مشروع وعاوز تشرح فكرته وطريقة تشغيله 

تقدر تستخدمها في ملف README.md ولو بتذاكر تقدر ترتب بيها ملاحظاتك

ال README معناها اقرأني وغالبا بتكون أول حاجة الزائر بيشوفها 

في صفحة المشروع على GitHub لو انت بترفع مشاريعك هناك

محتاج ايه قبل متعلمها ؟

مش محتاج أي خبرة سابقة علشان تتعلم اللغة دي