الدرس 9
عرض الكود داخل المحتوى
لما تشرح مشروعك ممكن تحتاج تكتب اسم ملف وسط جملة أو تعرض كود في جزء لوحده
ال Markdown بتخليك تميز الكود عن الكلام العادي والكود هنا للعرض مش للتنفيذ
كمل التطبيق في practice.md وخلي المعاينة مفتوحة جنبك
كود وسط الكلام Inline Code
ال Inline Code معناها كود داخل نفس السطر
حط اسم الملف بين علامة ` قبله وعلامة بعدها واسم العلامة Backtick
Open `index.html` In Your Browserفي المعاينة اسم الملف index.html هيظهر بشكل مميز وسط الجملة وعلامات Backtick مش هتظهر
خلي بالك علامة ` مختلفة عن علامة الاقتباس المفردة '
عرض أمر وسط الكلام
تقدر تستخدم نفس الطريقة لعرض أمر
Use `git status` To Check Your Workالأمر git status هيظهر ككود داخل الجملة لكنه مش هيتنفذ
كود في جزء منفصل Code Block
ال Code Block معناها بلوك كود بنستخدمه لما نحب نعرض الكود في جزء مستقل
اكتب 3 علامات Backtick في سطر البداية وحط الكود تحتها وبعده سطر فيه 3 علامات تاني علشان تقفل البلوك
```
git status
git add .
```في المعاينة هتشوف الأمر في بلوك منفصل وعلامات البداية والنهاية مش هتظهر
الطريقة دي اسمها Fenced Code Block يعني بلوك كود محاط بعلامات بداية ونهاية
حدد لغة الكود
ممكن تكتب اسم اللغة بعد علامات البداية علشان المعاينة تقدر تلون الكود حسب نوعه
في المثال ده هنكتب html لأننا بنعرض كود HTML
```html
<h1>My Project</h1>
```في المعاينة هتشوف <h1>My Project</h1> ككود مكتوب مش عنوان كبير بيتنفذ في الصفحة
اسم اللغة مش بيشغل الكود هو بيساعد الأداة تعرضه بتنسيق مناسب
وتلوين الكود ممكن يختلف حسب الأداة
اقفل البلوك بعلامات النهاية علشان الكلام اللي بعده يرجع نص عادي
