الروابط و الصور

ممكن تحتاج تحط رابط لموقع أو تعرض صورة داخل ملاحظاتك بدل ما تكتفي بالنص

ال Link معناها رابط وال Image معناها صورة وكمل التطبيق في practice.md

رابط لموقع

اكتب الاسم اللي هيظهر بين أقواس مربعة وبعده الرابط بين أقواس عادية

في المعاينة هتشوف Elzero Web School كرابط تقدر تضغط عليه علشان تفتح الموقع

الجزء [Elzero Web School] هو النص الظاهر والجزء (https://elzero.org) هو عنوان الموقع

رابط لملف عندك

داخل فولدر التدريب اعمل فولدر باسم docs وبداخله ملف باسم notes.md

اكتب أي ملاحظة في الملف واحفظه وبعدها ارجع إلى practice.md واكتب

في المعاينة هيظهر رابط باسم Read My Notes ولما تضغط عليه هيفتح ملف الملاحظات

المسار docs/notes.md معناه ادخل فولدر docs الموجود جنب الملف الحالي 

وافتح notes.md الموجود جواه ولابد الملف يكون موجود تقدر تعمله علشان تجرب

إضافة صورة

اعمل فولدر باسم images جنب practice.md 

وحط جواه صورة فعلية بصيغة PNG واسمها project.png

داخل practice.md اكتب

في المعاينة هتشوف الصورة نفسها

العلامة ! قبل الأقواس هي اللي بتفرق الصورة عن الرابط

الكلام Project Preview وصف بديل للصورة لو مظهرتش في أي حالة

والمسار images/project.png هو مكانها

لو الصورة مظهرتش راجع اسم الملف والامتداد والمسار

لو رفعت الملف على GitHub ارفع الصورة معاه بنفس ترتيب الفولدرات علشان تظهر