الدرس 5
تمييز الكلمات و الاقتباس
ممكن تحتاج تبرز كلمة مهمة وسط الكلام أو تعرض جملة على شكل اقتباس
هنضيف علامات بسيطة حوالين الكلام والمعاينة هتعرض نتيجة التنسيق
كمل في practice.md وخلي المعاينة مفتوحة جنب الملف
الخط العريض Bold
ال Bold معناها خط عريض بنستخدمه علشان نبرز كلمة أو جزء مهم من الجملة
حط نجمتين قبل الكلمة ونجمتين بعدها من غير مسافة بين النجوم والكلمة
This Is **Important**في المعاينة كلمة Important هتظهر بخط عريض وباقي الجملة هيفضل عادي والنجوم مش هتظهر
الخط المائل Italic
ال Italic معناها خط مائل المرة دي حط نجمة واحدة قبل الكلمة ونجمة بعدها
This Is *Important*في المعاينة كلمة Important هتظهر بخط مائل
الفرق بسيط نجمتين من كل ناحية للخط العريض ونجمة من كل ناحية للخط المائل
الاقتباس Blockquote
ال Blockquote معناها بلوك اقتباس بنستخدمه لعرض كلام منقول أو جملة عاوزين نفصلها عن النص العادي
في بداية سطر جديد اكتب العلامة > وبعدها مسافة ثم الجملة
> Practice Every Dayالجملة هتظهر في المعاينة داخل تنسيق الاقتباس بدل ما تكون فقرة عادية والعلامة > مش هتظهر
سيب سطر فاضي قبل الاقتباس وبعده علشان يفصل عن الكلام اللي حواليه
إظهار النجوم كنص عادي
لو عاوز النجوم نفسها تظهر ومش عاوزها تغير شكل الكلمة حط Backslash قبل كل نجمة
ال Backslash هي علامة \ وبنستخدمها هنا علشان نعمل Escape لعلامة ليها معنى خاص في Markdown
فتظهر كنص عادي بدل ما تعمل تنسيق زي ما اتعودنا في لغات البرمجة
\*Important\*في المعاينة هتشوف *Important* بالنجوم
والكلمة مش هتبقى مائلة وعلامات Backslash مش هتظهر
تدريب
اكتب جملة I Learn Markdown Every Day وخلي كلمة Markdown بخط عريض
تحتها سيب سطر فاضي واكتب Keep Practicing كاقتباس
حل التدريب
الجملة وفيها الكلمة بخط عريض
I Learn **Markdown** Every Dayسيب سطر فاضي تحت الجملة وضيف الاقتباس
> Keep Practicing
راجع المعاينة هتلاقي كلمة Markdown بخط عريض وتحت الجملة الاقتباس في جزء منفصل