الدرس 6
تنسيقات و عناصر داخل بعضها
ممكن تجمع أكتر من تنسيق على نفس الكلمة أو تحط عنصر جوه عنصر تاني زي اقتباس جواه عنوان وفقرة
ال Nested معناها متداخل يعني عنصر موجود داخل عنصر تاني
كلمة Bold و Italic في نفس الوقت
علشان الكلمة تظهر بخط عريض ومائل مع بعض حط 3 نجوم قبلها و 3 نجوم بعدها من غير مسافات بين النجوم والكلمة
This Is ***Important***
في المعاينة كلمة Important هتظهر Bold و Italic في نفس الوقت وباقي الجملة عادي
اقتباس داخل اقتباس
العلامة > بتعمل اقتباس ولو حطيت > > في بداية السطر
هيكون عندك اقتباس داخلي جوه الاقتباس الأول
> Keep Learning
>
> > Practice Every Day
الجملة Keep Learning داخل الاقتباس الخارجي والجملة Practice Every Day داخل اقتباس تاني جواه
السطر اللي فيه > لوحدها بيفصل بين الجزئين مع استمرار الاقتباس الخارجي
اقتباس جواه عنوان وفقرة
اكتب علامة الاقتباس الأول وبعدها علامات العنوان وفي سطر تاني اكتب الفقرة مع علامة الاقتباس قبلها
> ## Important Note
>
> Save Your Work Before Closing The Editor
ال ## Important Note عنوان من المستوى التاني داخل الاقتباس
وتحته فقرة Save Your Work Before Closing The Editor
السطر اللي فيه > لوحدها بيفصل العنوان عن الفقرة والاتنين هيفضلوا جوه نفس الاقتباس
ولو عاوز تعمل مسافات تحت وفوق ممكن تستعمل عنصر ال <br>
