الدرس 10
نسخ الملفات والمجلدات باستخدام cp
النسخ بيعمل نسخة جديدة من الملف أو المجلد مع بقاء الأصل في مكانه
معنى الأسماء والمصطلحات
| المعنى | Stand For | Name |
| نسخ ملف أو مجلد | Copy | cp |
| المصدر اللي هناخد منه النسخة | Source | |
| المكان أو الاسم اللي هنحط فيه النسخة | Destination |
نسخ ملف باسم جديد
داخل learn-command-line عندنا notes.txt نقدر نعمل منه نسخة باسم مختلف
cd ~/learn-command-line
cp notes.txt notes-copy.txtالاسم الأول هو الملف الأصلي والاسم التاني هو اسم النسخة الجديدة
لو فتحت الملفين هتلاقي نفس المحتوى
lsهتلاقي notes.txt و notes-copy.txt موجودين مع بعض
نسخ ملف داخل مجلد
اعمل مجلد للنسخ وجرب تنسخ الملف جواه
mkdir backups
cp notes.txt backups/الملف اتنسخ جوه backups بنفس اسمه لأن المكان الأخير مجلد موجود بالفعل وللتأكد
ls backupsنسخ أكتر من ملف
cp index.html app.js backups/لما بننسخ أكتر من ملف بنكتب أسماء الملفات
وبعدهم المجلد اللي هنحط النسخ جواه ولازم المجلد الأخير يكون موجود
نسخ مجلد بمحتوياته
cp -r website website-copyالاختيار -r بيخلي النسخ يشمل المجلد والمحتويات اللي جواه
وهنا website-copy اسم جديد مش موجود قبل التنفيذ
ls website-copyهتلاقي الملفات والمجلدات اللي كانت جوه website اتنسخت معاه والأصل لسه موجود
لو اسم النسخة موجود بالفعل
ال cp ممكن يستبدل محتوى ملف موجود في المكان اللي بتنسخ ليه
علشان يسألك قبل الاستبدال استخدم -i
cp -i notes.txt notes-copy.txtلو ظهر سؤال التأكيد اكتب n واضغط Enter علشان ترفض الاستبدال
أو y واضغط Enter لو عاوز توافق راجع اسم الملف في السؤال قبل الإجابة