الدرس 9
إنشاء الملفات باستخدام touch
المجلد بيجمع ملفات أو مجلدات جواه والملف نفسه ممكن يحتوي على نص أو كود أو بيانات
هنا هننشئ ملفات فاضية باستخدام touch
معنى الأسماء والمصطلحات
| المعنى | Stand For | Name |
| إنشاء ملف لو مش موجود وتحديث توقيته لو موجود | touch | |
| ملف | File |
مكان التطبيق
اشتغل داخل مجلد التدريب learn-command-line
cd ~/learn-command-lineإنشاء ملف واحد
touch notes.txtلو notes.txt مش موجود الأمر هيعمل ملف فاضي بالاسم ده
وتقدر تشوفه باستخدام ls
lsإنشاء أكتر من ملف
touch index.html app.jsالاسمين مفصولين بمسافة علشان نعمل ملفين في نفس الأمر
والامتداد جزء من الاسم اللي كتبناه
إنشاء ملفات داخل مجلدات موجودة
touch website/index.html website/css/style.css website/js/main.jsالأمر بيعمل الملفات داخل المجلدات اللي جهزناها في التطبيق
لكن touch مش بينشئ المجلدات الناقصة
لو اسم مجلد غلط أو مش موجود هيظهر خطأ
تقدر تعرض ملفات مجلد معين من غير ما تدخله
ls website/cssهتلاقي style.css موجود
لو الملف موجود بالفعل
تكرار touch على ملف موجود مش بيفرغه ومش بيحذف الكلام اللي جواه
لكنه بيحدث أوقات الملف وعلشان تشوف ده بنفسك
افتح notes.txt من File Explorer واكتب فيه النص ده واحفظه
My First Notesنفذ الأمر تاني وبعدها افتح الملف هتلاقي النص لسه موجود
touch notes.txtاسم ملف فيه مسافات
touch "My Notes/ideas list.txt"عملنا ملف اسمه ideas list.txt داخل مجلد My Notes
وحطينا المسار كله بين علامتي اقتباس علشان المسافات جزء من الاسم