الدرس 8
إنشاء المجلدات باستخدام mkdir
ال mkdir بيخليك تنشئ مجلدات من خلال الأوامر وتحدد أسماءها بنفسك
معنى الأسماء والمصطلحات
| المعنى | Stand For | Name |
| إنشاء مجلد | Make Directory | mkdir |
| مجلد | Directory |
تجهيز مجلد التطبيق
هنستخدم مجلد باسم learn-command-line داخل مجلد المستخدم
علشان تكون أمثلة الملفات في مكان واضح نفذ السطور دي بالترتيب
cd ~
mkdir learn-command-line
cd learn-command-lineلو المجلد موجود عندك بالفعل ادخل عليه مباشرة
باستخدام cd learn-command-line من غير ما تعيد إنشاءه
للتأكد من مكانك
pwdهتلاقي المسار بينتهي باسم learn-command-line
إنشاء مجلد واحد
mkdir websiteأنشأنا مجلد website جوه المكان الحالي نقدر نشوفه باستخدام
lsمش لازم mkdir يطبع رسالة لما ينجح
ظهور مكان كتابة أمر جديد من غير خطأ مع وجود المجلد في ls بيأكد النتيجة
إنشاء أكتر من مجلد
mkdir website/css website/js website/imagesكتبنا تلاتة أسماء مفصولة بمسافات علشان ننشئ تلاتة مجلدات داخل website
والشرطة المائلة / بتفصل اسم المجلد عن المجلد اللي جواه
يعني معناها في مجلد وداخله مجلد تاني
ls websiteالنتيجة هتحتوي على الأسماء دي
css images jsإنشاء مجلدات داخل بعضها باستخدام -p
لو عاوز تعمل demo جوه examples والمجلد examples نفسه مش موجود استخدم -p
mkdir -p examples/demoالاختيار -p بيعمل المجلدات الناقصة في المسار
ولو المجلد موجود بالفعل مش بيعتبر وجوده خطأ
تقدر تراجع وصف الاختيار باستخدام mkdir --help
شكل المجلدات عندك
learn-command-line/
--- website/
------ css/
------ js/
------ images/
--- examples/
------ demo/اسم فيه مسافات
mkdir "My Notes"علامات الاقتباس بتخلي My Notes اسم مجلد واحد
من غيرها الأمر هيحاول ينشئ مجلد My ومجلد Notes