الدرس 7
القوائم المرتبة و غير المرتبة
لو عندك مميزات لمشروع أو خطوات عاوز تشرحها القائمة بتخلي كل نقطة واضحة في سطر لوحدها
ال List معناها قائمة وهنستخدم قائمة من غير أرقام وقائمة مرقمة
قائمة من غير أرقام Unordered List
ال Unordered List معناها قائمة غير مرتبة بنستخدمها لما ترتيب العناصر مش مهم زي مميزات المشروع
اكتب شرطة - وبعدها مسافة ثم الكلام وكل عنصر في سطر لوحده
- Easy To Read
- Easy To Edit
- Easy To Shareفي المعاينة هتشوف 3 عناصر وقبل كل عنصر علامة نقطية بدل الشرطة
قائمة مرقمة Ordered List
ال Ordered List معناها قائمة مرتبة بنستخدمها لما الترتيب مهم زي خطوات تشغيل المشروع
اكتب رقم وبعده نقطة ومسافة ثم الخطوة
1. Open The Folder
2. Read The Instructions
3. Start Practicingفي المعاينة هتشوف الخطوات بالأرقام من 1 لحد 3
قائمة جوه قائمة Nested List
ال Nested List معناها قائمة داخل قائمة نستخدمها لما عنصر يكون تحته تفاصيل
في المثال ده ملفات HTML و CSS تابعة لعنصر Project Files
اكتب مسافتين قبل الشرطة في كل عنصر داخلي
- Project Files
- HTML
- CSSفي المعاينة هتلاقي HTML و CSS داخلين لجوه تحت Project Files
المسافات هنا بتحدد العلاقة بين العناصر مش مجرد شكل للكتابة
تدريب
اكتب 3 مميزات لصفحة بسيطة في قائمة من غير أرقام
بعدها اكتب 3 خطوات لفتح الصفحة في قائمة مرقمة وسيب سطر فاضي بين القائمتين
حل التدريب
قائمة المميزات
- Simple Design
- Clear Text
- Easy Navigationقائمة خطوات فتح الصفحة
1. Open The Project Folder
2. Find index.html
3. Open The File In Your Browserالمميزات ظهرت بعلامات نقطية والخطوات ظهرت بأرقام لأن ترتيب تنفيذها مهم
